આવકારો મીઠો આપજે

તારે આંગણિયે કોઈ આશા કરીને આવે રે,
આવકારો મીઠો...આપજે રે જી...

તારે કાને કોઈ સંકટ સંભળાવે રે, બને તો થોડું...
કાપજે રે જી...

માનવીની પાસે કોઈ... માનવી ન આવે...રે...,
તારા દિવસની પાસે દુ:ખિયાં આવે રે - આવકારો મીઠો...
આપજે રે...જી...
કેમ તમે આવ્યા છો ? ...એમ નવ કે'જે રે...,
એને ધીરે એ ધીરે તું બોલવા દેજે રે - આવકારો મીઠો...
આપજે રે...જી...

વાતું એની સાંભળીને... આડું નવ જોજે... રે...,
એને માથું એ હલાવી હોંકારો દેજે રે - આવકારો મીઠો...
આપજે રે...જી...

'કાગ' એને પાણી પાજે.. સાથે બેસી ખાજે...રે....,
એને ઝાંપા એ સુધી તું મેલવા જાજે રે - આવકારો મીઠો...
આપજે રે...જી...


-દુલા ભાયા 'કાગ' (Dula bhaaya 'Kaag'

નુતન વર્ષના નવા સંકલ્પ સ્વરૂપે  સ્વર્ગસ્થ  પણ શબ્દસ્થ  એવા શ્રી દુલા ભાયા કાગ સાહેબને યાદ કરી અને નુતન સંકલ્પ કરીએ કે આંગણે આવેલા અતિથીને હ્રિદય પૃવક સત્કારીએ અને તેના દુખ દર્દ ને સાંભળી અને બને તો તેને દિલાસો આપવાની કોશિશ કરીએ અને તેના દુખ દર્દ ને કાપવાની મથામણમાં તેના ભાગીદાર બનીએ.સાંપ્રત યુગમાં આવકાર અને સત્કાર જેવા શબ્દો ગુજરાતી શબ્દકોશમાંથી વિસરાઈ જાય તે પહેલા આપને તેને બચાવી લેવાનો સુભ સંકલ્પ આપને કરીએ  અને આપણી ભવ્ય પરમ્પરા,દિવ્ય વારસાને  અને આતિથ્ય ના ગૌરવને આપણા બાળકોને ભેટ આપીએ સાલ મુબારક,સંસ્કાર મુબારક ,વહાલ સાથે વહેવાર મુબારક.